Sobre Bicogal
Bicogal é unha iniciativa de emprendemento innovador que nace do compromiso da Fundación Roberto Rivas por contribuír ao desenvolvemento sostible das comarcas centrais de Galicia.
Co foco na economía forestal e os espazos naturais, queremos crear e impulsar proxectos que poñan en valor os nosos bosques e o noso monte.
Buscamos mentes inquedas, mans dispostas a traballar e corazóns comprometidos cun obxectivo común: promover novos usos sostibles e produtivos nestes sectores, que xeren un impacto real.
Xestión forestal sostible
Enerxías renovables
Madeira e bioconstrucción
Silvicultura e agroforestal
Turismo de espazos naturais
Quen pode participar?
Persoas emprendedoras
Que teñan os seus propios proxectos de emprendemento sostible e queiran levalos aínda máis lonxe.
Empresas e profesionais
Con habilidade, coñecemento e paixón por estes sectores, que desexen achegar a súa experiencia.
Organizacións e institucións
Comunidades de montes, administracións públicas e asociacións interesadas no futuro do territorio.
Estudantes e persoas comprometidas
Con ideas frescas e novas perspectivas, que queiran levar á práctica as súas aprendizaxes.
Que che propoñemos?
Xornada sectorial 1
Xestión Forestal, Madeira e Renovables
Encontro no Irixo para coñecer casos de éxito e avances tecnolóxicos na xestión forestal sostible, a utilización da madeira e a produción de biomasa. Traballaremos nun primeiro reto:
Como podemos desenrolar o potencial destes sectores nas comarcas centrais de Galicia?
Xornada sectorial 2
Silvicultura, Agroforestal e Turismo Sostible
Encontro en Forcarei para explorar novas oportunidades na economía dos espazos naturais: apicultura, micoloxía, froitos silvestres, silvo-pastoreo, turismo ambiental e máis. Traballaremos nun segundo reto para resolver:
Como podemos impulsar a innovación e a sustentabilidade económica destas actividades?
Se ademais tes un proxecto
Únete e transforma as ideas en proxectos viables con impacto positivo.
Tras cada xornada, comeza un período de 6 semanas de innovación colaborativa para dar forma ás solucións xurdidas dos retos lanzados.
Formación intensiva en metodoloxías áxiles e pensamento creativo.
Mentorías con persoas expertas en sustentabilidade e emprendemento.
Traballo en remoto, aproveitando a diversidade de talento e perspectivas.
Apoio da Fundación Roberto Rivas
Presentacións finais diante dun comité avaliador buscando o proxecto máis prometedor.
Ata 5.000€ de axuda económica para levar á práctica o proxecto seleccionado.
Apoio continuado durante seis meses, con acceso a rede de colaboradores da Fundación.
Tes dúbidas?
Cal é o obxectivo de Bicogal?
O seu obxectivo principal é activar o coñecemento local, fomentar unha cultura innovadora, e desenrolar proxectos que establezan unha relación sostible co monte e os bosques, que contribuan ao emprego e ao asentamento da poboación rural.
Quen pode participar?
Bicogal está aberto a calquera persoa interesada en contribuír ao desenvolvemento sostible de Galicia. Queremos reunir persoas con diversidade de perspectivas e habilidades para impulsar a innovación.
Se non estou nestas comarcas, podo participar?
Si. O importante é que che interese a economía forestal e de espazos naturais, aínda que esteas noutra zona de Galicia.
E se non podo acudir ás xornadas, tamén podo participar?
Si. Aínda que recomendamos participar nas xornadas e coñecer de primeira man ás persoas e empresas convidadas, non é un requisito excluínte para traballar nas ideas.
Cal é o proceso para participar?
O proceso comeza coa inscrición a través desta páxina web, onde deberás completar un formulario con información sobre ti. Posteriormente, convocaranse as xornadas temáticas e crearanse os grupos de traballo.
Ten algún custo participar en Bicogal?
Non, Bicogal é un proxecto participativo e gratuíto, cofinanciado pola Fundación Roberto Rivas e polo Ministerio para a Transición Ecolóxica e o Reto Demográfico. O único custo para os participantes é o derivado do transporte ás xornadas presenciais.
Como se elixe o proxecto gañador?
Un comité de avaliación, composto por persoas expertas en innovación, sustentabilidade e desenvolvemento económico, valorará cada proxecto baseándose na súa innovación, viabilidade, impacto potencial na sustentabilidade de Galicia e a calidade da presentación. O proxecto que mellor cumpra con estes criterios será seleccionado como o gañador, recibindo apoio adicional para a súa implementación.
