Sobre o programa
Bicogal é a iniciativa de emprendemento sostible que nace da paixón e o compromiso da Fundación Roberto Rivas para revitalizar Galicia. Promove o uso sostible dos recursos naturais nas comarcas centrais, cun enfoque especial na innovación rural.
O foco de Bicogal é, a través da colaboración e das mentorías, transformar ideas innovadoras en proxectos viables que beneficien ás comunidades locais e ao medio ambiente, a partir de temáticas como a bioeconomía, as enerxías renovables, o turismo sostible, a agroalimentación, a xestión forestal sostible e a conservación do medio ambiente.
Bicogal é un proxecto participativo e gratuíto, cofinanciado pola Fundación Roberto Rivas e polo Ministerio para a Transición Ecolóxica e o Reto Demográfico.
Máis información
Os resultados
O Demo Day de BiCoGal celebrou a innovación rural en Galicia, presentando catro proxectos finalistas. O proxecto gañador, Amarelas, propón un programa turístico de benestar na natureza na comarca do Deza.
Recuperando terras abandonadas, por Pablo Villaverde López.
Amarelas, por Cristina González Salgado y Erea Viz Callejas.
Consultoría e xestión integral, por Claudia de Sas Trujillo.
Amonte, por Marcos Estévez Malvar.
A convocatoria
Descubre a nosa primeira convocatoria, desde as xornadas informativas onde se lanzaban os retos ata a evolución das ideas finalistas para acabar expoñendo nun Demo Day ante un xurado experto.
O ecosistema
Descubre como o programa mobilizou a máis de 30 entidades e a máis de 80 persoas profesionais, emprendedoras e comprometidas co futuro do monte galego, traballando arredor de varios sectores clave.
